Bookmark
සතියේ රාහු කාලයන් සහ සුභ දිශාවන්
2017 මැයි මස 23 වන අඟහරුවාදා - අද දවස ඔබට කොහොමද?
මේෂ ලග්නය
අද දවස ඔබට ඉතාමත් සුබ දවසක් ලෙස තමයි පෙන්නුම් කරන්නේ. බුද්ධිය වෙහෙසවා කටයුතු කරන අයට නම් ඉතාමත් රමණීය දවසක්. අද දවසේ ඔබට යම් යම් කරුණු කරනා ඉෂ්ඨ පල ගන්වා ගන්නට ද හැකියාව පවතිනවා. වැඩ කගයුතු රාශියක් ආරම්භ කරන්නට අද දවසේ ඔබට හැකියාව පවතිනවා. ඒ වගේම මුල්‍ය ආයතනවල වැඩි සහයෝගයක් ලැබෙන නිසාවෙන්ම ඔබගේ වැඩ කටයුතු බොහොමයක් සාර්ථක කර ගන්න හැකියාව පවතිනවා. විශේෂයෙන්ම විදෙස් ගමන් වැනි දේවලුත් සාර්ථක කර ගන්න පුළුවන්කම තිබෙනවා. අද දවස අරඹන්නට මත්තෙන් දස දිසා පිරිත වරක් හෝ සජ්ජායනා කරන්නට වරක් හෝ ශ්‍රවනය කරන්නට එන්නට තිබෙන්නාවූ බාධක අවම කර ගන්නට ඔබට හැකියාව තිබෙනවා.
වෘෂභ ලග්නය
අද දවස ඔබ ඉතාමත්ම කල්පනාකාරී වියයුතු දවසක්. ආහාර පාන වැනි දේ ලබා ගන්නා විට ඉතාමත්ම ප්‍රවේසම් වියයුතු වෙනවා. ආහාර විෂවීම් වලට අජීර්ණ රෝග වැනි දේ වලට පවා ඉඩකඩ පවතිනවා. ජීවිතයට වැදගත් වෙන තීන්දු තීරණ ගැනීමෙන් වැළකිය යුතු දිනයක් හැටියට තමයි අද දවස හඳුන්වන්නට පුළුවන් වෙන්නේ. මේ නිසා වෙනම අද දවස අරඹන්නට මත්තෙන් විෂ්ණු පුජාවකට සහභාගී වෙන්නට පුලුවනම් වඩාත් හොඳ ප්‍රතිඵල ලබා ගන්නට හැකියාව පවතිනවා.
මිථුන ලග්නය
අද දවසේ විශේෂයෙන් ඔබට සම්මුඛ පරීක්ෂණ ආදියෙන් නිසැක ජය ලබන්නට හැකියාව පවතිනවා. රැකියාවක උසස්වීමක් බලාපොරොත්තුවෙන් සිටියානම් අන්න ඒ දේවල් සාර්ථක කර ගන්න ඔබට අද දවසේ හැකියාවක් පවතිනවා. ඒ වගේම විශේෂිත මිතුරු මිතුරියන් හඳුනා ගැනීමේ අවස්ථාවද ඔබට උදාවෙනවා. අවාහ විවාහ කටයුතු වලට මුලපුරන්න බලාපොරොත්තුවක් තිබෙනවා නම් සාර්ථකව ඒ සඳහා දොරගුළු විවෘත්ත වන දවසක් බවට අද දවස පත්වෙනවා. ඔබට අද දවස අරඹන්නට මත්තෙන් හැකියාවක් පවතිනවා නම් මෝර පිරිත වරක් හෝ සජ්ජායනා කරන්නට වරක් හෝ ශ්‍රවනය කරන්නට ඇති වන්නට තිබෙන බාධක බොහොමයක් ඔබට වලක්වා ගන්නට හැකියාව පවතිනවා.
කටක ලග්නය
අද දවසේ ඔබ කරන බොහෝ කටයුතු සාර්ථක කර ගන්නට ඔබට අවස්ථාව ලැබේවි. රැකි රක්ෂාවන් සොයමින් සිටි ඔබට රැකි රක්ෂාවල හිමිකාරීත්වය ලැබෙන බවකුත් පෙන්නුම් කරනවා. ඒ වාගේම රැකියාවේ උසස්වීම් වැනි දේවල් බලාපොරොත්තුවෙන් සිටි උදවියට ඒ සඳහා දොරගුළු විවෘත්ත වන දවසක් ලෙසද අද දවස හඳුන්වන්න පුළුවන්. විශේෂයෙන් දියුණුව සාර්ථකත්වය හොඳින් පවතින දවසක් නිසා වෙන්ම ඔබ කරන කටයුතු සපල කර ගන්නට හැකියාවක් පවතිනවා. ඔබට යම්කිසි ආකාරයක නීතිමය ගැටළුවක් පැවතියේ නම් ඒ නීතිමය ගැටලුව නිරාකරණය කරගෙන ඉදිරිය වාසනාවන්ත කර ගන්නට ඔබට පුළුවන්කම තිබෙනවා. හැකියාවක් පවතිනවානම් අද දවස අරඹන්නට පෙර දස දිසා පිරිත වරක් හෝ සජ්ජායනා කරන්නට ශ්‍රවනය කරන්නට ඔබට අද දවස වඩාත් සාර්ථක කර ගන්නට හැකියාව පවතිනවා.
සිංහ ලග්නය
දවසේ ඔබ කරන බොහෝ කටයුතු සාර්ථක කර ගන්නට හැකියාව පවතීවි. ඒ වගේම පෙර පිං මතුවන දවසක් නිසාවෙන්ම අද දවසේ ඔබ අත තබන ඕනෑම කටයුත්තක් සාර්ථක කර ගන්නට හැකියාව පවතිනවා. ව්‍යාපාරවල නිරතවන උදවියටත් ඉතාමත් සුබ දවසක් ලෙසින් අද දවස හඳුන්වන්න පුළුවන්. පසුගිය කාලපර්ච්චේදය තුල යම්කිසි පසුබෑමක් තිබුනා නම් ඒ දේවල් සාර්ථක කරගෙන අද දවසට මුහුණ දීමේ හැකියාව පවතිනවා. මේ නිසා අද දවස ඉතාමත් ශක්තිමත් දවසක් බවට පත්වෙනවා. ගෘහජීවිතය තුලත් අවහිරතා තිබුණා නම් ඒවා මගහරවාගෙන ඉදිරියට යන්නට හැකියාව පවතිනවා. කරන කටයුතු සාර්ථක වන නිසාම සිතේ සතුට වර්දනය වන දවසක් ද වෙනවා. බලාපොරොත්තුවෙන් සිටියානම් අවාහ විවාහ කටයුතුද අද දවසේ ඔබට සාර්ථක කර ගන්නට හැකියාව තිබෙනවා. දවස අරඹන්නට පෙර දිළිදු පවුලකට වියලි සලාක ආදිය ලබා දෙන්නට පුළුවන් නම් අද දවස වඩාත් සුබ කර ගන්නට ඔබට හැකියාව තිබෙනවා.
කන්‍යා ලග්නය
අද දවස ඔබ වඩාත් ප්‍රවේසමෙන් කටයුතු කලයුතු දවසක් වෙනවා. මානසික ඒකාග්‍රතාවය බිඳ වැටෙන්නටත් ගෘහ ජීවිතයේ යම් යම් ගැටළුකාරී තත්වයන් මතුවන්නටත් ඉඩකඩ තිබෙනවා. ඒ වගේම ඔබ කරන බොහෝ කටයුතු කල්පනාකාරීව කරන්නට වගබලා ගන්නට ඕනේ. යම් යම හදිස්සි තීරණ නිසා ජීවිතය වරද්දා ගන්නට ද ඉඩ තිබෙනවා. රැකි රක්ෂා ආශ්‍රිතවත් නොයෙකුත් ගැටළු ඇති වීමට පුලුවන්කම පවතිනවා. මේ නිසා ඔබ අද දවස ඉතා ඉවසීමෙන් කල්පනාවෙන් කටයුතු කලයුතු දවසක් හැටියට හඳුන්වන්න පුළුවන්. හැකියාවක් පවතිනවන්ම් දවස අරඹනට ප්‍රත්මයෙනන් ඔබ විෂ්ණු පූජාවකට සහභාගී වෙන්න. ඔබට අද දවස වඩාත් යහපත් දවසක් බවට පත් කර ගන්නට පුළුවන්.
තුලා ලග්නය
අද දවස ඔබය ඉතාමත් සුබදායක දවසක් ලෙසින් හඳුන්වන්නට පුළුවන්. හවුල් ගිවිසුම් වලට අනුව කටයුතු අරඹන්නට නම් ඉතාමත්ම සුබදායක දවසක්. ඒ වගේම බොහෝ දෙනෙකුගේ හිතවත්කම් ගොඩනැගෙන දවසක් බවටත් අද දවස පත්කර ගන්නට හැකිවේවි. අලුත් අලුත් මිත්‍රයන් හඳුනා ගැනීමේ අවස්ථාවද පවතිනවා. ඒ වගේම තමයි සඵලදායී මිනිසුන් හඳුනා ගැනීමේ හැකියාවද පවතින නිසාවෙන්ම අනාගත ආයෝජන කරන්නට සුදුසුම දවසක් බවට අද දවස හඳුන්වන්න පුළුවන්. විදෙස් ගමන් වැනි දේවල් සාර්ථක කර ගන්නට හැකියාව පවතිනවා. මේ නිසා අද දවසේ යම්කිසි කර්තව්‍යකට අත තියනවනම් ඒ දේවල් වෙනදට වඩා සාර්ථක කර ගන්නට පුළුවන්. අතමිටේ මුදල් ගැවසෙන නිසාවෙන් ආර්ථික අපහසුතාවයන් දැනේන්නේ ඉතාමත් අඩුවෙන්. අද දවස අරඹන්නට මත්තෙන් දස දිසා පිරිත වරක් හෝ සජ්ජායනා කරන්නට වරක් හෝ ශ්‍රවනය කරන්නට හැකියාවක් පවතිනවානම් ඔබට අද දවස වඩාත් යහපත් කර ගන්නට හැකියව පවතිනවා.
වෘශ්චික ලග්නය
අද දවස ඔබට තරමක් බාධක සහිත දවසක් වෙනවා. විශේෂයෙන් ඔබ කරන වැඩ කටයුතු පිළිබඳව අවධානයෙන් සිටීම වැදගත් වෙනවා. සතුරු කුමන්ත්‍රණ වලටත් හසුවන්නට ඉඩකඩ තිබෙනවා. ඒ වගේම තමි ඔබ අද දවස තුල යම් ක්ර්තවයකට මුල පුරන්නට සිතා සිටියානම් එය දවසකට දෙකකට ප්‍රමාද කරන්න හැකියාව පවතිනවානම් වඩාත් යෝග්‍යයි. ඒ වගේම ඔබ යම්කිසි ආකාරයකට ආශ්‍රය කරන පුද්ගලයන් සමග ගනුදෙනු කරන විට වචනය ප්‍රවෙසම් කර ගැනීම නම් අත්‍යවශ්‍ය සාධකයක් වෙනවා. ඔබ කරන වැඩ වල සාර්ථක ප්‍රතිපල දකින්නට වැඩි ශක්තියකින් යුතුව කටයුතු කලයුතු දවසක් වෙනවා. ඒ වගේම ගෘහජීවිතය තුලද යම් යම් ගැටලුකාරී තත්වයන් මතුවීමට ද ඉඩ ඇති නිසා ඒ ගැන කල්පනාකාරීව ඉවසීමෙන් කටයුතු කිරීම වැදගත්. ඔබටත් හැකියාවක් තිබෙනවානම් විෂ්ණු පුජාවකට සම්බන්ධ වන්නට අද දවස වඩාත් සාර්ථක කර ගන්නට හැකියාව පවතිනවා.
ධනු ලග්නය
අද දවස ඔබට යහපත් දවසක් බව තමයි පෙන්නුම් කරන්නේ. ඒ වගේම අලුත් අලුත් දේවල් ඉගෙන ගන්නට සිත් යෙදෙන දවසක් විදිහටත් අද දවස පෙන්නුම් කරනවා. දුර බැහැර ගමන් ආදියේ යෙදෙන්නටත් හැකියාව පවතින දවසක් ලෙසින් තමයි අද දවස හඳුන්වන්නට පුළුවන්. විශේෂයෙන්ම දේපල ආශ්‍රිතව ගැටලුකාරී තත්වයන් පැවතියනම් ඒ දේවල් නිරාකරණය කරගෙන සාර්ථක තත්වයට පත් කර ගන්නට අවශ්‍ය ශක්තිය ඔබට තිබෙනවා. මේ නිසා ඔබ කරන කටයුතු බොහොමයක් සාර්ථක වෙවී. බොහෝ දෙනෙකුගේ උදව් උපකාර හිමිවන දවසක් විදිහටත් අද දවස හදුන්වන්න පුළුවන්. යාන වාහන ඉඩකඩම් වැනි දේ මිලට ගැනීමට අපේක්ෂාවෙන් සිටියානම් ඒ දේවල් සඳහා දොරගුළු විවෘත්ත වන දවසක් ද වනවා. අද දවස අරඹන්නට මත්තෙන් හැකියාවක් පවතිනවාන්ම් ජය පිරිත වරක් හෝ සජ්ජායනා කරන්නට ශ්‍රවනය කරන්නට ඇතිවීමට ඇති කරදර බාධක මගහරවා ගන්නට ඔබට හැකියාව පවතිනවා.
මකර ලග්නය
අද දවස ඔබට වඩාත් ශක්තිමත් දවසක්. උරුමකරුම වලින් ලැබෙන්නාවූ දේපල සඳහා හිමිකාරීත්වයන් දරන්නට වගකීම් දරන්නට සිදුවන දවසක් බවටත් පත්වෙනවා. ඒ වගේම තමයි තමන්ගේ ජීවිතයට වඩාත් වැදගත් වන්නාවූ තීන්දුවක් ගන්නට සිද්ධවන දවසක් බවටත් පත් වන්නට ඉඩකඩ තිබෙනවා. විශේෂයෙන්ම දුරබැහැර ගමන් බිමන් යෙදෙන්නටත් ඉඩකඩ තිබෙනවා. භුමිය ආශ්‍රිතව හා පතල් ආශ්‍රිතව කටයුතු කරන උදවියට ඉතාමත් සුබදායක වේවි. ඒ වගේම තමයි මුහුදු ගමන් වැනි දේවල නිරතවන උදවියටත් සුබ ප්‍රතිපල අත්කර දෙන්නට හැකියාව තිබෙනවා. ඔබ අද දවස අරඹන්නට කලින් හැකියාවක් පවතිනවා නම් ඔබ ප්‍රදේශයේ දිළිඳු පවුලකට වියලි සලාක ආදියෙන් උපකාර කරන්නට ඔබට අද දවස වඩාත් සාර්ථක දවසක් කර ගන්නට හැකියාව තිබෙනවා.
කුම්භ ලග්නය
ඔබට අද දවසේ සුබ අසුබ මිශ්‍ර තත්වයක් තමයි පෙන්නුම් කරන්නේ. විශේෂයෙන්ම ඔබගේ උත්සාහයට අනුව ප්‍රතිපල ලැබෙන දවසක් ලෙස පෙන්නුම් කරනවා. මේ නිසා අද දවසේ කරන කටයුතු වඩාත් කැපවීමෙන් උත්සාහයෙන් කරන්නට වගබලා ගන්නට ඕනේ. දුරදිග නොබලා කරන කටයුතු වලින් අවාසි සිද්ධ වෙන්නට පුළුවන් කම තියෙනවා. සහෝදර සහෝදරියන් වෙනුවෙන්ද වැඩි කාලයක් මිඩංගු කරන්නට වන දවසක් වෙනවා ඔබට අද දවස. අද දවස අරඹන්නට මත්තෙන් ඔබට හැකියාවක් තිබෙනවා නම් පක්ෂීන් වෙනුවෙන් ධාන්‍යමය ආධාරයක් දෙන්න ඔබට අද දවස වසනාවන්ත කර ගන්නට පුළුවන්කම තිබෙනවා.
මීන ලග්නය
අද දවස ඔබගේ වචනය බලවත් වන දවසක් ලෙස තමි පෙන්නුම් කරන්නේ. කරන්නට තිබෙන කටයුතු අද දවසේ සාර්ථක කර ගත හැකි දවසක් ලෙස තමයි පෙන්නුම් කරන්නේ. ඒ වගේම ඔබගේ දියුණුව සාර්ථකත්වයට සුබ දවසක්. තමන්ගේ ජීවිතයට වැදගත් වන්නාවූ තීන්දු තීරණ ගන්නත් අද දවස ඔබට සුබ දවසක් වනවා නිසැකයි. ආවාහ විවාහ කටයුතු වලට මුල පුරන්නත් බලාගෙන සිටි උදවියට ඒ සඳහා මුලපුරන්නටත් සුබ දිනයක් ලෙස හඳුන්වන්න පුළුවන්. අද දවස අරඹන්නට මත්තෙන් මෝර පිරිත වරක් හෝ සජ්ජායනා කරන්නට ශ්‍රවනය කරන්නට හැකි නම් අද දවස වඩාත් සාර්ථක කර ගන්නට ඔබට හැකියාව තිබෙනවා.
Social Subscribox
Top